RODOLPHUS II primo Hungariae

RODOLPHUS II. primo Hungariae

dein Romanorum Rex, successit patri Maximiliano Il. A. C. 1576. Imperium pacifice administravit, motus de Argentinensi Episcopatu auctoritate suâ composuit: Bellum Turcicum cum foedifragis Barbaris: perfratrem Matthiam, Carolum Mansteldium et fratrem Maximilianum, satis feliciter gessit, aliquot locis occupatis, illisque ad Iavarinum valde attritis: sed propugnaculum hoc munitissimum, prodente Comite Hardeckiô, amisit, Sigismundum Bathorium Transylvanum sibi iunxit, Strigoniô Vyszegradôque captis, Haivanum quoque occupavit, moxtamen dein maiori damno, cum Agria, urbe quondam invictissimâ, amisit: Victus exin avaritiâ suorum, qui iam victores nimis avidê praedae inhiabant, per Adolphum Suartzenburgieum, clade regestâ, Rabam recepit, Papptam item per Melch. Redderum, Albamque Regelem, per Ducem Mercurium, Gallam: Pace tandem, operâ Stephani Botscaii Transylvani, cum hostibus ad 15. annos initâ. Haec foris, Domi Calendarium Gregorianum inter suos introduxit, Protestantibusque frustra obtrusit: a Matthia fratre vexatus, regnô Hungariae et Austriae cessit, Behemiam quoque eidem resignavit. Bohemis, Maravis, Silesiis, privilegia confirmavit. Obiit A. C. 1612. aetat. 59. Imperii 36. In Larario suo gemmarum, adamantum, unionum, auri, argenti, etc. immani vi, ut pretiô 17. auri milliones excederet, relictâ. Successit Matthias. REGES BURGUNDI AE.